Qoʻshimcha funksionallar
-
Tungi ko‘rinish
Germaniyadagi saylovlarning dastlabki natijalari e'lon qilindi
Germaniyada o‘tgan parlament saylovlarining rasmiy dastlabki natijalari e'lon qilindi. Ularga ko‘ra, saylovlarda Germaniya sotsial-demokratik partiyasi (GSDP) 25,7 foiz ovoz bilan g‘alaba qozondi.
Saylovlarda GSDPning asosiy raqibi, amaldagi kansler Angela Merkelning XDI/XSI bloki 24,1 foiz, “Yashil”lar 14,8 foiz, Germaniya ozod demokratik partiyasi 11,5 foiz, “Germaniya uchun muqobil” 10,3 foiz va “So‘llar” 4,9 foiz ovoz to‘plagan.
Saylovlardagi davomat 76,6 foizni tashkil qilgan.
GSDPdan kansler lavozimiga Olaf Sholtz, XDI/XSI blokidan Armin Lashet da'vogarlik qilmoqda.
Saylovlar natijalariga ko‘ra, Bundestagda o‘rinlar taxminan quyidagicha taqsimlanadi: GSDP 205-209 mandat, XDI/XSI – 194-196, “Yashillar” – 116-118, Germaniya ozod demokratik partiyasi – 91-93, “Germaniya uchun muqobil” – 84, So‘l partiya – 39-40 mandat. Yangi parlamentning ilk yig‘ilishi 26 oktyabrda o‘tishi kutilmoqda.
Saylovlarda Merkel ishtirok etmagan. U kansler lavozimidagi 16 yillik faoliyatidan keyin ushbu lavozimni tark etadi.
Mavzuga oid
10:35 / 22.06.2026
Ukraina Germaniya ishlab chiqarayotgan 600 ta raketaga buyurtma berdi
10:15 / 22.06.2026
Germaniyada ishlashni istovchilar uchun yangi dasturlar ishga tushirildi
12:04 / 18.06.2026
O‘zbekiston va Germaniya birinchi xonimlari inklyuziv ta’lim masalalarini muhokama qildi
21:45 / 17.06.2026