Shavkat Mirziyoyev: Afg‘on xalqi ham, toliblarning o‘zi ham urushdan charchagan
Andijonda saylovchilar bilan uchrashayotgan prezidentlikka nomzod Shavkat Mirziyoyev yana bir bor afg‘on muammosiga to‘xtalib o‘tdi. Bu haqda Kun.uz muxbiri xabar bermoqda.
“Afg‘oniston nima qilsak ham qo‘shnimiz, qo‘shnini esa tanlab bo‘lmaydi. Kuni kecha chegarani buzib o‘tishga uringanlar yo‘q qilingani haqida aytdim, bundan keyin ham shunday bo‘ladi albatta. Chunki O‘zbekiston o‘z daxlsizligini buzishga yo‘l qo‘ymayman.
Shu bilan birga, Afg‘onistonda tinchlik-osoyishtalik o‘rnatilishi uchun qo‘limizdan kelganicha yordam berishga tayyormiz. Bir narsani bilishimiz kerak – afg‘on xalqi ham, toliblarning o‘zi ham urushdan charchagan.
Qo‘shnimiz bilan do‘stona munosabat muhimligining yana bir misoli – Qirg‘iziston. Sizlar chegarada yashaysizlar, hozir bemalol bordi-keldi qilyapsizlar. Biz Qirg‘iziston prezidenti Sadir Nurgojayevich do‘stmiz bilan barcha muammolarni birgalikda, bamaslahat hal qilyapmiz. Hal qilsa bo‘lar ekan-ku”, deya nomzodning so‘zlaridan iqtibos keltirmoqda Kun.uz muxbiri.
Mavzuga oid
16:50 / 11.10.2024
O‘zbek kompaniyasi Afg‘onistonning energetika sektoriga 1 mlrd dollar sarmoya kiritadi
08:10 / 10.10.2024
TIV rahbari Afg‘onistonning O‘zbekistondagi yangi elchisini qabul qildi
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
21:27 / 03.10.2024