Niderlandiyada ikki o‘rindiqli elektr suvosti kemasi ishlab chiqildi

Niderlandiyaning U-Boat Worx kompaniyasi Super Sub deb nom olgan elektr suvosti kemasini ishlab chiqdi.

Foto: U-Boat Worx

New Atlas nashrining xabar berishicha, kema 8 uzel (15 km/soat) tezlik bilan suza oladi. “Bu afalina delfinining tezligidan yuqoriroq. Biroq boshqa tomondan, 8 uzel uncha katta tezlik emas. Misol uchun, oq akulalar 3 marta tezroq suzadi, biroq baribir yomon natija emas”, deb ta'kidlab o‘tgan kema mualliflari.

80 ot kuchiga ega suvosti kemasi oynavand kabinaga ega. U ikki kishiga mo‘ljallangan. Kema, shuningdek, yo‘nalish bo‘yicha avtomatik harakatlanish va belgilangan chuqurlikda qolish funksiyasiga ega.

Qurilma qayta quvvatlanishsiz 8 soat ishlashi mumkin va 300 metrgacha chuqurlikka sho‘ng‘iy oladi. Biror kor-hol yuz bergudek bo‘lsa, u ekipajni kamida 96 soat davomida kislorod bilan ta'minlay oladi.