O‘zbekiston prezidenti 2022 yilda Vengriyaga rasmiy tashrif bilan boradi

O‘zbekiston prezidenti Shavkat Mirziyoyev 2022 yilda Vengriyaga rasmiy tashrif bilan boradi. Bu haqda Vengriya bosh vaziri Viktor Orban ma'lum qildi.

Foto: Prezident matbuot xizmati

«Kelgusi yilda Budapeshtda rasmiy tashrif doirasida prezident janoblari bilan shaxsan uchrashishdan umidvorman hamda ushbu tashrif munosabatlarimizni mustahkamlash uchun yana bir imkoniyat bo‘lishiga ishonaman», deya ta'kidladi u Shavkat Mirziyoyevga prezident saylovida g‘alaba qozongani munosabati bilan yo‘llagan tabrigida.

Joriy yilning mart oyi oxirida Vengriya bosh vaziri Viktor Orban O‘zbekistonga rasmiy tashrif bilan keldi. Tomonlar hamkorlikni rivojlantirish uchun 10 dan ortiq turli hujjatlarni imzoladi.

Muzokaralar yakunida prezident Shavkat Mirziyoyev va bosh vazir Viktor Orban O‘zbekiston bilan Vengriya o‘rtasida strategik sheriklik to‘g‘risidagi qo‘shma deklaratsiyani ham imzoladi.