Fransiya atom reaktorlari qurilishini tiklaydi
Mamlakat hukumati yaqin vaqt ichida oltitagacha yangi reaktor qurilishi to‘g‘risida e'lon qilishi kutilmoqda.
Fransiya energiya importiga qaramlikni kamaytirish va elektr energiyasi narxi keskin o‘sishiga yo‘l qo‘ymaslik uchun atom reaktorlari qurish dasturini tiklaydi. Bu haqda mamlakat prezidenti Emmanuel Makron ma'lum qildi, deb xabar berdi Reuters.
“Oxirgi bir necha o‘n yil davomida ilk bor mamlakatimizda yadroviy reaktorlar qurishni tiklash va qayta tiklanadigan energiya manbalarini ishlab chiqishni davom ettirish niyatidamiz”, — dedi Makron.
Fransiya hukumati yaqin vaqt ichida oltitagacha yangi reaktor qurilishi to‘g‘risida e'lon qilishi kutilmoqda.
Shu bilan birga, o‘n yildan buyon qurilayotgan Flamanvill AESi ishga tushmaguncha atom reaktorlari qurish bo‘yicha biror-bir loyiha tiklanmaydi.
Fransiya oxirgi marta 1999 yilda Sevo AESini ishga tushirgandi. Mamlakatda 56ta atom reaktori ishlaydi.
Mavzuga oid
20:57 / 08.10.2024
Qozog‘istonda AES qurilishi o‘rtacha 10 yil davom etadi
22:33 / 07.10.2024
AQSh Qozog‘istonda AES qurish bo‘yicha tenderda ishtirok etish istagini bildirdi
08:40 / 07.10.2024
Ekzitpol: Qozog‘istonda birinchi AES qurilishi qo‘llab-quvvatlandi
19:35 / 06.10.2024