Saudiya Arabistonida suzib yuruvchi eko-shahar qurilishi boshlandi

Oksagon shahri maydoni Nyu-York hududidan 33 marta katta bo‘ladi va dunyodagi eng ilg‘or logistik markaz bo‘ladi. Shahar qurilishi 2030 yilda yakunlanishi rejalashtirilgan.

Foto: prnewswire.co.uk

Saudiya Arabistonida Oksagon deb nomlangan suzib yuruvchi ekologik shahar qurilishi boshlandi. Bu haqda Saudiya Arabistoni valiahd shahzodasi Muhammad bin Salmon ma'lum qildi, deb xabar berdi Neom.

Bu Qizil dengiz sohilida suzib yuruvchi sakkizburchak shaklidagi shahar bo‘ladi. U faqat sof energiya yordamida ishlaydi. Shahar eng ilg‘or texnologiyalar bilan jihozlanadi.

Oksagon maydoni Nyu-York hududidan 33 marta katta bo‘ladi va dunyodagi eng ilg‘or logistik markaz bo‘ladi.

Shahar qurilishi 2030 yilda yakunlanishi rejalashtirilgan.