Checheniston muftiysi Buxoroga keldi

1 dekabr kuni Checheniston Respublikasi muftiysi va davlat rahbari maslahatchisi Saloh hoji Mejiyev Buxoro viloyatiga tashrif buyurdi. Bu haqda Musulmonlar idorasi matbuot xizmati xabar berdi.

Ma'lum qilinishicha, delegatsiya tarkibida Checheniston rahbari Ramzan Qodirovning to‘ng‘ich qizi, Madaniyat vaziri Ayshat Qodirova ham kelgan.

Mehmonlarni O‘zbekiston musulmonlari idorasi raisining birinchi o‘rinbosari Homidjon Ishmatbekov va Buxoro viloyat bosh imom-xatibi Jobir Elov kutib olib, hamrohlik qilmoqda.

Dastlab Bahouddin Naqshband majmuasini ziyorat qilgan chechenistonlik mehmonlar O‘zbekistondagi boshqa ziyoratgohlarga ham borishi kutilmoqda.