Andijon viloyatida 4 ballik zilzila qayd etildi

Andijon viloyatida 12 dekabr kuni soat 03:30 zilzila qayd etildi.

FVV Seysmoprognostik monitoring respublika markazi xabar berishicha, zilzila episentri Toshkentdan 289 kilometr janubi-sharqda joylashgan bo‘lib, o‘chog‘i 5 kilometr chuqurlikda, magnitudasi 3,7 ballga teng bo‘lgan.

Turli hududlarda silkinishlar kuchi quyidagicha bo‘lgan:

• Xo‘jaobod tumanida 4 ball;
• Jalaquduq tumanida 4 ball;
• Buloqboshi tumanida 3 ball;
• Andijon tumanida 3 ball;
• Andijon shahrida 2-3 ball;
• Qo‘rg‘ontepa tumanida 2 ball;
• Asaka tumanida 2 ball;
• Marhamat tumanida 2 ball.

Eslatib o‘tamiz, so‘nggi marta 17 noyabr kuni Qirg‘izistonda sodir bo‘lgan zilzila kuchi Andijon va Namanganda sezilib, magnitudasi 4,6 ballga teng bo‘lgandi. Undan avvalroq, 12 noyabr kuni Andijon viloyatida 4 ballik zilzila qayd etilgandi.