Afg‘onistonga navbatdagi insonparvarlik yordami jo‘natildi
Afg‘onistonga Termiz orqali navbatdagi insonparvarlik yordami jo‘natilgan. Bu haqda Surxondaryo viloyati hokimligi axborot xizmati xabar bermoqda.
Ma’lum qilinishicha, bugun, 23 dekabr kuni Afg‘onistonga Termizdan temir yo‘l orqali navbatdagi insonparvarlik yuklari jo‘natilgan.
Mazkur yuklar oziq-ovqat, kiyim-kechak hamda ko‘mir mahsulotlaridan iborat bo‘lib, u O‘zbekiston Respublikasidan afg‘on xalqiga beg‘araz yordam shaklida yuborilmoqda.
63 ta vagondan iborat ezgulik poyezdi bugun ertalab Termiz shahridagi "Ayritom" chegara o‘tkazish punkti orqali Afg‘onistonning Mozori Sharif shahriga jo‘nab ketgan.
Qayd etilishicha, bugun Balx viloyati markazida ikki mamlakat rasmiylari ishtirokida insonparvarlik yordamini topshirish marosimi bo‘lib o‘tadi
Eslatib o‘tamiz, BMTning Afg‘onistonga insonparvarlik yuklarini jo‘natadigan asosiy markazi ham Termiz shahrida joylashgan. Joriy yil 15 dekabr kuni u yerdan qo‘shni mamlakatga ikkita yuk mashinasida insonparvarlik yuklari jo‘natilgandi.
Mavzuga oid
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
21:27 / 03.10.2024
“Tolibon” Vahan koridorini ochmoqchi. Bu qanchalik real?
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024