Xitoyda koronavirusga qarshi yetarlicha kurashmagan amaldorlar jazoga tortildi
Shahar hokimiyati koronavirusga test o‘tkazishda sustkashlikka yo‘l qo‘ygan, kasallik holatlari aniqlanganidan keyin tezkor choralar ko‘rmagan.
Xitoy hukumati Sian shahri mansabdorlarini koronavirus tarqalishiga qarshi yetarlicha chora ko‘rmagani uchun jazoladi, deb xabar berdi South China Morning Post (SCMP) gazetasi.
Gazetaning yozishicha, Xitoy kompartiyasining tartib-intizom komissiyasi 26 nafar mansabdor shaxsni “koronavirus tarqalishining oldini olishda yetarlicha qat’iyat ko‘rsatmagani” sababli jazoga tortgan.
Komissiya bayonotiga ko‘ra, shahar hokimiyati koronavirusga test o‘tkazishda sustkashlikka yo‘l qo‘ygan, kasallik holatlari aniqlanganidan keyin tezkor choralar ko‘rmagan.
Gazetaning qayd etishicha, koronavirus tarqalishini nazorat qila olmagan mansabdorlar odatda hayfsan bilan jazolanadi yoki lavozimidan ozod etiladi.
Juma kuni aholisi 13 mln kishini tashkil etuvchi Sian shahrida 49 kishida koronavirus aniqlangan. Mahalliy OAVning yozishicha, koronavirus Siandan yana beshta shaharga, jumladan, Pekinga tarqalgan.
Pandemiya boshlanganidan buyon Xitoyda koronavirus yuqtirish bilan bog‘liq holatlar soni 110,7 mingdan oshgan, 4,6 mingdan ortiq bemor vafot etgan.
Mavzuga oid
12:30 / 05.10.2024
YeK: Xitoy elektromobillariga bojlarni oshirish yo‘li ochildi
01:00 / 05.10.2024
Xitoyda 1000 marta o‘tirib-turishga majburlangan o‘quvchi butun umrga nogiron bo‘lib qolishi mumkin
21:03 / 04.10.2024
Yevroittifoq elektromobillar bo‘yicha Xitoy bilan savdo urushini boshladi
08:00 / 04.10.2024