Urgutda fuqaro qo‘shnisini bolta bilan chopib o‘ldirdi
Samarqand viloyati Urgut tumanida fuqaro qo‘shnisini bolta bilan chopib o‘ldirgan. Bu haqda Bosh prokuratura matbuot kotibi xabar bermoqda.
Ma’lum qilinishicha, 2021 yil 31 dekabr kuni Urgut tumani Dehqonobod mahallasida joylashgan “Dehqonobod dehqon bozori” yaqinida 1992 yilda tug‘ilgan fuqaro B.X. oldindan o‘rtalarida bo‘lgan kelishmovchilik sababli qo‘shnisining bosh va bo‘yin sohasiga bolta bilan ikki marotaba urib, qasddan o‘ldirishga suiqasd qilgan.
Shifokorlar tomonidan ko‘rsatilgan zarur tibbiy yordamga qaramasdan, og‘ir tan jarohatlari olgan jabrlanuvchi 3 yanvar kuni vafot etgan.
Qayd etilishicha, mazkur holat yuzasidan Urgut tumani prokuraturasi tomonidan Jinoyat kodeksining 25, 97-moddasi 1-qismi bilan jinoyat ishi qo‘zg‘atilgan. Gumonlanuvchi protsessual tartibda ushlangan.
Mavzuga oid
14:06 / 26.09.2024
Yaponiyada sud 56 yil avvalgi qotillik uchun o‘limga hukm qilingan erkakni oqladi
09:23 / 26.09.2024
Turkiyada 8 yoshar qizaloqning o‘ldirilishi. Bu haqida nimalar ma’lum?
00:26 / 28.07.2024
Yangiyo‘ldagi dahshatli qotillik. Hodisa joyidan reportaj
18:13 / 27.07.2024