Xorazmda «Cobalt» poyezd bilan to‘qnashdi
Xorazm viloyati, Xonqa tumani hududidan o‘tgan temir yo‘l kesishmasida «Cobalt» rusumli avtomobil va teplovoz to‘qnashdi. Haydovchi shifoxonaga yotqizildi.
7 yanvar kuni soat 18:18 da Xonqa tumani, Yosh kuch mahallasi hududidan o‘tgan temir yo‘lda yengil avtomobil ishtirokida yo‘l-transport hodisasi yuz bergan.
Shu tumanning Qirqyop qishlog‘i, «Obod» mahallasida yashovchi, 2001 yilda tug‘ilgan fuqaro N.X. «Cobalt» rusumli avtomobilida qo‘riqlanmaydigan temir yo‘l kesishmasida to‘xtash belgisiga amal qilmasdan harakatlangan va «Xiva-Urganch-Toshkent» yo‘nalishida harakatlanayotgan yo‘lovchi poyezdi bilan to‘qnashgan. Oqibatda avtomobil ag‘darilib ketgan, haydovchi esa tan jarohati bilan shifoxonaga yotqizilgan.
Shuningdek, to‘qnashuv oqibatida shikast yetgan teplovozga qariyb 1 soat davomida texnik xizmat ko‘rsatilgan. Shundan so‘ng poyezd yo‘lini davom ettirgan.
Holat bo‘yicha huquq-tartibot idoralari tomonidan surishtiruv va tergov ishlari olib borilmoqda.
Mavzuga oid
09:49 / 04.10.2024
Namanganda yuzlab avtomobillar davlat ro‘yxatidan noqonuniy o‘tkazilgani aytilmoqda. Ish respublika darajasida tergovda
08:50 / 03.10.2024
O‘zbekiston Stadler kompaniyasidan poyezdlar sotib olishi mumkin
11:04 / 28.09.2024
GFRda uch erkak RFga qimmatbaho avtomobillar eksporti uchun sudlandi
22:59 / 24.09.2024