Farg‘ona shahridagi do‘konlardan birida yong‘in sodir bo‘ldi

Farg‘ona shahridagi Bozorboshi ko‘chasida joylashgan savdo do‘konida yong‘in kelib chiqdi. Bu haqda Farg‘ona viloyati IIB axborot xizmati ma’lum qildi.

Qayd qilinishicha, 23 yanvar kuni soat 01:08 da Farg‘ona shahar “Furqat” MFY, Bozorboshi ko‘chasida joylashgan savdo do‘konida yong‘in sodir bo‘lgan. Yong‘in tegishli kuch vositalar yordamida o‘z vaqtida bartaraf etilgan. Hodisadan hech kim tan jarohati olmagan.

Holat yuzasidan Farg‘ona shahar IIO FMB huzuridagi tergov bo‘limi hamda FVB xodimlari tomonidan tekshiruv o‘tkazilmoqda.

Avvalroq Toshkentdagi do‘konlarning birida yong‘in sodir bo‘lgani haqida xabar berilgan edi.