Jondor tumanida o‘zaro futbol o‘ynagan ikki qishloq fuqarolari o‘rtasida ommaviy mushtlashuv sodir etilgan. Holat yuzasidan tergovga qadar tekshiruv ishlari o‘tkazilmoqda.
![](https://storage.kun.uz/source/8/0Nlhq8yeMRcS0PFZXt-o6y1UKbzI3g5d.jpg)
Foto: IIB axborot xizmati
Ijtimoiy tarmoqlarda Buxoroda ommaviy mushtlashuv bo‘lgani haqidagi xabarlar tarqaldi. Buxoro viloyat IIB holat yuzasidan munosabat bildirdi.
Ma’lum qilinishicha, voqea 5 fevral kuni Jondor tumanida sodir bo‘lgan. Nurafshon mahallasidagi stadionda Tobagar va Chandir qishloqlari fuqarolari o‘zaro futbol o‘ynagan. O‘yin vaqtida janjal yuzaga kelgan.
Hozirda fuqarolarning shaxsiga aniqlik kiritish hamda ularning xatti-harakatlariga qonuniy baho berish maqsadida Buxoro viloyati IIB hamda Jondor tumani IIB xodimlari tomonidan tezkor surishtiruv va tergovga qadar tekshiruv harakatlari olib borilmoqda.