“Rossiyaning Ukrainaga bostirib kirish ehtimoli juda yuqori” – Bayden
Pentagon rahbari Lloyd Ostin Rossiya Ukraina yaqinidagi qo‘shinlari sonini oshirishda davom etayotganini bildirgan.
AQSh prezidenti Jo Bayden Rossiyaning Ukrainaga hujum qilish ehtimolini "juda yuqori" deb aytdi. Bu haqda Bloomberg agentligi xabar berdi.
Agentlikning yozishicha, Rossiya yaqin kunlarda Ukrainaga bostirib kirishi mumkin.
Bayden hozircha Rossiya prezidenti Vladimir Putin bilan telefon orqali muloqot qilish rejasi yo‘qligini ham ma’lum qildi.
Avvalroq Pentagon rahbari Lloyd Ostin Rossiya Ukraina yaqinidagi qo‘shinlari sonini oshirishda davom etayotganini aytgandi.
Uning so‘zlariga ko‘ra, "ayrim qo‘shinlar chegaraga yanada yaqinlashgan".
Rossiya rahbariyati harbiylarning bir qismi mashg‘ulotlarni yakunlab, doimiy joylashuv manzillariga qaytayotganini ma’lum qilgan, biroq AQSh va NATO rossiyalik harbiylarning Ukraina chegaralaridan olib ketilganining nishonalari ko‘rinmaganini bildirgan.
Mavzuga oid
10:00
Jo Bayden GFRda Germaniyaning oliy ordeni bilan mukofotlanadi
09:40
NATO yangi bosh kotibi G‘arbning Ukrainaga yordamini kuchaytirishga va’da berdi
09:00
«Gazprom» Rossiyada eng zarar ko‘rgan kompaniyalar ro‘yxatini boshqaryapti
23:19 / 03.10.2024