Qoʻshimcha funksionallar
-
Tungi ko‘rinish
Dam olish kunlari yomg‘ir yog‘adi - «O‘zgidromet»
Bugun O‘zbekiston hududiga Eron hududlaridan juda iliq havo kirib kelmoqda. Respublika bo‘yicha quruq ob-havo kutiladi, havo harorati 20-23 daraja issiq, janubda va cho‘l hududlarida 25-27 daraja issiqqacha bo‘ladi. Faqat Qoraqalpog‘istonda ba’zi joylarda kechga tomon yomg‘ir yog‘adi.
“O‘zgidromet” xabariga ko‘ra, dam olish kunlari respublika bo‘yicha ba’zi joylarda yomg‘ir yog‘adi, yakshanba kuni shimolda qorga aylanishi mumkin. Tog‘oldi va tog‘li hududlarda yog‘ingarchilik, ba’zi joylarda kuchli bo‘ladi. Havo harorati pasayadi va 5 martda kechasi 10-15 daraja iliqni, kunduzi 13-18 daraja iliqni, 6 martda kechasi 5-10 daraja iliqni, kunduzi 12-17 daraja iliqni tashkil etadi.
Iliq havoning jadal kirib kelishi, so‘ngra Kavkaz hududlaridan nisbatan salqin havo kirib kelishi natijasida respublika bo‘yicha ba’zi joylarda shamol tezligi 18-23 m/s gacha kuchayadi va chang kuzatilishi mumkin. Qoraqalpog‘iston Respublikasi, Buxoro, Navoiy, Samarqand, Jizzax, Qashqadaryo viloyatlarining ayrim joylarida shamol tezligi 25-30 m/s gacha kuchayishi mumkin.
