Yaponiyada kuchli zilzila sodir bo‘ldi

Yaponiyaning Fukusima prefekturasi atrofida magnitudasi 7,3 ballga teng zilzila qayd etildi. Zilzila o‘chog‘i 63,1 kilometr chuqurlikda joylashgan.

Yer silkinishi Yaponiyaning shimoliy va shimoli-sharqiy hududlarida sezilgan.

Mamlakatda sunami xavfi e’lon qilingan. 

Hozircha qurbonlar va vayrongarchiliklar haqida ma’lumot kelib tushmagan.

Yaponiyada 2011 yil 11 mart kuni magnitudasi 9,1 ballga teng zilzila sodir bo‘lgandi. O‘shanda zilzila va u keltirib chiqargan sunami oqibatida 15,8 mingdan ortiq kishi halok bo‘lgan, yuz minglab uylar vayron bo‘lgan.