Belarusda Lukashenkoni tekshiruvdan o‘tkazgan shifokor qo‘lga olindi
Aleksandr Lukashenkoning so‘zlariga ko‘ra, bugunga qadar pora olishda ayblanib 35 nafar shifokor qo‘lga olingan.
Belarusda prezident Aleksandr Lukashenkoni tekshiruvdan o‘tkazgan shifokor pora olishda ayblanib qo‘lga olindi. Lukashenko bu haqda sog‘liqni saqlash vaziri, bosh prokuror va DXQ raisi bilan uchrashuvda aytdi.
BelTA agentligining xabar berishicha, uchrashuvda pora olishda ayblanayotgan ortopedlarga oid jinoyat ishi to‘g‘risida so‘z borgan.
«Bugunga qadar 35 kishi qo‘lga olindi. Ishonchim komil, bu birga o‘tiradiganlarning barchasi qo‘lga olindi degani emas», — dedi u.
Lukashenkoning so‘zlariga ko‘ra, shifokorlar «operatsiya stoli ustida yotgan bemorlarga qanday import ortopedik ehtiyot qismlarni sotib olishni tavsiya qilishgan» va «bu tavsiyalari uchun xorijliklardan pora olib kelishgan». Ayrimlarning uylaridan 650 ming yevrogacha naqd pul chiqqan.
«Achinarlisi, ularning orasida prezidentni bir necha marta tekshiruvdan o‘tkazgan "prezidentni davolovchi vrach" ham bor. Bu faktdan afsusdaman, lekin qonun barchaga barobar», — deya qo‘shimcha qildi Lukashenko.
Mavzuga oid
00:13 / 28.09.2024
Lukashenko NATO davlatlariga yadroviy zarba berishga tayyorligini ma’lum qildi
08:50 / 26.09.2024
Bryussel Lukashenko rejimi mahbuslarini ozod etishni talab qildi
20:37 / 24.09.2024
Lukashenko: «Urushga tayyorgarlik ko‘rishimiz kerak»
13:50 / 21.09.2024