Mariupoldan omon chiqqanlar, Xarkovda to‘xtamayotgan yong‘inlar. Urush suratlari

Urushning 57-kunida Vladimir Putin mudofaa vaziri Sergey Shoygu bilan uchrashuvda kutilmaganda «Azovstal» zavodi qamalini bekor qildi - bu yerda ukrain armiyasining shahardagi so‘nggi qismlari mudofaalanmoqda. Mariupol rasmiylari Mangush qishlog‘ida shaharning «minglab» aholisi ommaviy qabrlarga ko‘milgan bo‘lishi mumkinligini aytdi. Jahon bankiga ko‘ra, Ukrainadagi binolar va infratuzilmalarga yetkazilgan zarar miqdori 60 milliard dollarni tashkil etadi.

«Azovstal» zavodi ko‘rinishi. Foto: Anatoliy Jdanov / Kommersant’

Ukrainadagi vaziyat. So‘nggi ma’lumotlar

Ukraina bosh shtabining ertalabki ma’lumotlarida rossiyaliklar Donbassdagi Ukraina qurolli kuchlariga hujum qilish uchun Izyumdan janubga tomon siljishga urinayotgani aytilgan.
Ukraina hukumatining tasdiqlashicha, rossiyalik harbiylar Mariupolda halok bo‘lgan tinch aholi vakillarini ommaviy qabrga ko‘mish uchun shahardan 20 km g‘arbda joylashgan Mangush qishlog‘iga olib ketmoqda. Sun’iy yo‘ldoshdan olingan tasvirlarda bu qishloqda uzun xandaq qazilganini ko‘rish mumkin.
Amerika davlatlari tashkiloti Ukrainaga hujum uchun Rossiyani doimiy kuzatuvchi maqomidan mahrum etdi.
Ukraina bosh vaziri Denis Shmigal mamlakatni tiklash uchun kamida 600 mlrd dollar talab etilishi, hozir va yaqin yarim yillikda esa oyiga 4-5 mlrd dollar miqdorida yordam kerakligini aytdi.
«Azov» qo‘mondoni o‘rinbosari Svyatoslav Palamar BBC uchun intervyusida ukrain jangchilari qurshovdagi «Azovstal»dan faqat qurol bilan chiqishi mumkinligi, u yerdagi yuzlab tinch aholi vakillari evakuatsiyasi uchun uchinchi davlat vositachiligi va kafolati kerakligini aytgan.

Quyida 21 aprel kuni Ukrainada olingan asosiy suratlar.

Mariupol