Xitoy raisi va Putin Ukrainadagi vaziyatni muhokama qildi

Xitoy xalq respublikasi raisi Si Jinping rossiyalik hamkasbi Putin bilan telefon orqali muloqot qildi. Bu haqda Xitoy televideniyesiga asoslanib «Kommersant’» yozmoqda.

Foto: Reuters

Xabarda aytilishicha, tomonlar Amur daryosi ustida qurilgan ko‘prik ochilishi, ShHT va BRICS hamkorlik tashkilotlari doirasidagi munosabatlarni muhokama qilgan. Xitoy raisi mamlakat suverenitet xavfsizligi masalasida Rossiyani qo‘llashda davom etishini aytgan.

Putin suhbat davomida Xitoyning global xavfsizlik masalasidagi tashabbusini qo‘llashi, Xitoyning ichki ishlariga aralashadigan barchaga qarshi ekanini aytgan. Tomonlar Ukrainadagi urushni ham muhokama qilgan va Xitoy raisi mamlakatning bu boradagi «to‘g‘ri pozitsiyasi» o‘zgarmaganini aytgan.