To‘qayev BMT inqirozli vaziyatda qolganini aytdi
Qosim-Jo‘mart To‘qayevning fikricha, BMT hattoki sovuq urush davrida ham hozirgidan ko‘ra ko‘proq birdamlikni namoyish etgan.
BMT hozirda inqirozli vaziyatda qoldi. Qozog‘iston prezidenti Qosim-Jo‘mart To‘qayev Qatar iqtisodiy forumi sessiyasida ana shunday fikr bildirdi.
Unga Ukrainadagi nizoni hal qilishning qanday istiqbollari borligi haqida savol berildi.
«Birinchi navbatda, har ikki davlatning yaxshi irodasi. Lekin shu bilan birga, xalqaro hamjamiyatning qo‘llab-quvvatlovi kerak. Afsuski, xalqaro hamjamiyat bo‘linib qoldi. Xavfsizlik kengashi – bu qayg‘uli o‘tmish», — dedi To‘qayev.
Uning fikricha, ilgari BMT hech qachon bunchalik yomon vaziyatda qolmagan, hattoki sovuq urush davrida ham hozirgidan ko‘ra ko‘proq birdamlikni namoyish etgan.
Qozog‘iston prezidenti BMT kelajagidan xavotirdaligini, ammo dunyo mamlakatlari birdamligi zarurligiga ishonishini aytdi. BMT Rossiya va Ukrainaning tinchlik yo‘liga o‘tishiga ta’sir ko‘rsatishi kerak, deb ta’kidladi u.
Mavzuga oid
21:48 / 24.09.2024
BMT bosh kotibi sun’iy intellekt dunyoni bo‘lib yuborishi xavfidan ogohlantirdi
11:20 / 23.09.2024
Zelenskiy Nyu-Yorkka BMT Bosh assambleyasida ishtirok etish uchun keldi
09:10 / 23.09.2024
Nyu-Yorkdagi sammitda BMTni isloh qilish rejasi qabul qilindi
08:10 / 19.09.2024