Chimyonda adashib qolgan besh kishi FVV tomonidan qutqarildi

Kecha, 16 avgust taxminan soat 13:50 fuqaro D.G. Toshkent viloyati Favqulodda vaziyatlar boshqarmasiga bergan xabariga ko‘ra, 15 avgust kuni u Bo‘stonliq tumani Chimyon tog‘ tizmasiga sayr qilish maqsadida 5 nafar nabirasi bilan borgan va yo‘ldan adashganini ma’lum qilib, amaliy yordam so‘ragan.

Xabarga asosan, zudlik bilan qidiruv-qutqaruv ishlariga Chimyon otryadi alpinist qutqaruvchilari jalb qilingan. Qutqaruvchilar tomonidan aholi punktidan 15 km uzoqlikda bo‘lgan Mozorsoy va Teshiktosh tog‘lari hududi bo‘ylab olib borilgan qidiruv-qutqaruv ishlari natijasida, fuqarolar 16 avgust kuni soat 18:20 da topilgan.

Ushbu fuqarolar xavfsizligi ta’minlangan holda psixologik yordam ko‘rsatilib, tog‘ cho‘qqisidan olib tushilgan. 

Fuqarolarning sog‘liqlar yaxshi, ularga hech qanday tan jarohatlari yetmagan.