Qashqadaryoda sodir bo‘lgan YTHda velosiped boshqarib ketayotgan shaxs vafot etdi

Qashqadaryo viloyati IIB axborot xizmatining xabar berishicha, 2022 yil 4 sentabr kuni soat 12:55 larda 4R -79 Qarshi-Chiroqchi-Shahrisabz avtomobil yo‘lining Qamashi tumani "Chim" MFY hududidan o‘tuvchi 41-42 kilometr oralig‘ida odam o‘limi bilan bog‘liq yo‘l-transport hodisasi sodir bo‘lgan.

Nexia-2 mashinasi o‘zi bilan bir yo‘nalishda yo‘lning o‘ng tomonidan velosipedda harakatlanib ketayotgan shaxsni urib yuborgan.

Oqibatda, velosiped boshqarib ketayotgan shaxs og‘ir tan jarohatlari olib, tuman shifoxonasida vafot etgan. 

Qayd etilishicha, mazkur holat yuzasidan Qamashi tuman IIB tergov bo‘limi tomonidan surishtiruv harakatlari olib borilmoqda.

Avvalroq, Qashqadaryoda sodir bo‘lgan YTHda Gentra bilan to‘qnashgan Lacetti mashinasi va uning haydovchisi yonib ketgandi.