Qoʻshimcha funksionallar
-
Tungi ko‘rinish
Hindistonda shifokorlar bemorning oshqozonidan 63 dona qoshiq chiqarib olishdi
Bemorning qarindoshlari u giyohvandlikdan davolanish uchun shifoxonada yotgan vaqtida qoshiq yutgan deb taxmin qilishmoqda.
Foto: SWNS
Hindistonda shifokorlar bemorning oshqozonidan 63 dona qoshiq chiqarib olishdi, deb yozadi Mirror.
Xabarda aytilishicha, Muzaffarnagar shahrida yashovchi 32 yoshli erkak qornida kuchli og‘riq bilan shifoxonaga yotqizilgan. Shifokorlar uni tekshirib, qorin bo‘shlig‘ida 63 dona qoshiq borligini aniqlashgan.
Erkak zudlik bilan operatsiya qilingan. Operatsiya ikki soat davom etgan.
«Qariyb 35 yillik faoliyatim davomida bunday voqeaga duch kelmagandim», - dedi operatsiyani o‘tkazgan jarroh Rakesh Xuran.
Bemorning qarindoshlari u giyohvandlikdan davolanish uchun shifoxonada yotgan vaqtida qoshiq yutgan deb taxmin qilishmoqda. Shifokorlar uning ruhan nosog‘lom ekanligi to‘g‘risida xulosa berishdi.
Mavzuga oid
15:45 / 04.12.2025
Neft, qurol va geosiyosat. Putin nega Hindistonga davlat tashrifi bilan kelmoqda?
14:15 / 03.12.2025
Hindiston hukumati smartfonlarda o‘chirib bo‘lmaydigan davlat ilovasini joriy etmoqda
19:38 / 24.11.2025
«Zita va Gita» filmidagi bosh rol ijrochisi Dharmendra vafot etdi
19:37 / 22.11.2025