Limandagi vayronalar va mudofaaga tayyorlanayotgan Baxmut. Urush suratlari

Ukraina butun front bo‘ylab hujum qilmoqda. Rossiya tashabbusni saqlab qolayotgan kam sonli yo‘nalishlardan biri - Baxmut. Shahar mudofaaga qanday tayyorlanayotgani suratlarda.

Ukrainada urushning 224-kunidagi asosiy voqealar:

Vladimir Putin Zaporijjya AESni Rossiya mulkiga o‘tkazish haqidagi farmonni imzoladi. Ukrainaning «Energoatom» kompaniyasi AES «Ukrainada ishlashda davom etayotgani»ni ma’lum qildi. BBC aniqlashicha, rossiyalik harbiylar xodimlarni Rossiya operatori bilan ishlashga ko‘ndirish uchun bosim qilmoqda.
Zaporijjya AESning ukrainalik xodimlari stansiyaning olti reaktoridan birini qayta tushirishga tayyorlanmoqda. Hozirda ularning barchasi ishlashdan to‘xtatilgan.
Ukraina prezidenti Volodimir Zelenskiy mamlakat qurolli kuchlari Xerson oblastining Rossiya tomonidan annexia qilingan hududlarida yana bir qator aholi yashash manzillari ozod etilganini ma’lum qildi. Regionning Rossiya tomonidan tayinlangan ma’muriyati esa hududdagi rus qo‘shinlari «javob zarbasi berish uchun» qayta guruhlanayotganini ma’lum qilgan.
Kiyev oblastidagi Bila Tserkva shahriga tunda Eronning 12 dona Shahed-136 kamikadze dronlari bilan hujum uyushtirilgan. Ulardan oltitasi nishonga borib tekkan. Shu kuni kechqurun telegram-kanallarda Odessa shahriga ham shu kabi dronlar bilan hujum qilingani haqida xabarlar tarqaldi.
Xarkiv oblastida shu kunlarda Ukraina armiyasi nazoratiga qaytarilgan Peski-Radkovskiye posyolkasida ukrain tergovchilari rossiyalik harbiylar mahalliy aholini qiynoqqa solishda foydalangan kameralarni aniqlashdi.
«Agora» huquq tashkiloti rahbari Pavel Chikov Rossiyada safarbarlikdan bo‘yin tovlash holati bo‘yicha ilk jinoiy ish ochilganini ma’lum qildi.

Quyida 5 oktyabr kuni Ukrainaning turli hududlarida olingan suratlar.

Ozod etilgan Limandagi hayot