O‘zbekiston va Qozog‘iston o‘rtasidagi bojxona posti vaqtincha yopildi

Qozog‘istondagi “Qozig‘urt” va unga tutash, Toshkent viloyati Qibray tumanida joylashgan “S.Najimov” (O‘zbekiston) o‘tkazish punkti fuqarolar va avtotransport vositalarining o‘tishi uchun yopildi.

Davlat bojxona qo‘mitasi xabariga ko‘ra, o‘tkazish punkti 2022 yil 6 oktabr soat 09:00 dan 7 oktabr soat 09:00 gacha yopiq bo‘ladi.

Qayd etilishicha, o‘tkazish punktida har ikki davlatning nazorat-o‘tkazish punktlari o‘rtasidan o‘tuvchi gaz quvurlarini gidravlik sinovdan o‘tkazish ishlari amalga oshiriladi.

Ma’lum qilinishicha, ushbu ishlar “O‘ztransgaz” aksiyadorlik jamiyati tomonidan bajariladi.

Tayyorlagan: Отабек Матназаров

#bojxona #Qozog‘iston