Qrim ko‘prigidagi portlash oqibatlari va Xersondagi janglar. Urush suratlari

Qrim ko‘prigidagi portlash - Putinning bu urushdagi eng og‘riqli mag‘lubiyatlaridan biri. Bu qanday sodir bo‘ldi.

7 oktyabr kuni Luhansk oblasti rahbari Sergey Gayday Ukraina qurolli kuchlari Kreminna shahridan 40 kilometr masofadagi Grekovka posyolkasi ozod etilgani haqida xabar berdi. «DXR» esa rossiyalik harbiylar Donetsk oblastida Otradovka, Veselaya Dolina va Zaytsevo qishloqlarini egallagani haqida ma’lum qilgan. Kaluga oblastidagi aerodromda dron portladi. Dastlabki ma’lumotlarga ko‘ra, bu Rossiya hududidan uchirilgan dron-kamikadze bo‘lib, u uchish-qo‘nish yo‘lagiga zarar yetkazgan. Ukraina Kuril orollarini Yaponiyaning Rossiya tomonidan egallab olingan hududi deb tan oldi. Rossiyada Ukrainadagi urushga safarbar etilganlar uchun kredit ta’tillari berish to‘g‘risida qonun qabul qilindi.

8 oktyabr kuni Qrim ko‘prigida kuchli portlash sodir bo‘ldi. Rasmiy versiyaga ko‘ra, yo‘llardan biri bo‘ylab harakatlangan yuk avtomobili portlatilgan, temiryo‘l orqali unga parallel harakatlangan poyezd sostavidagi yonilg‘i to‘ldirilgan sisternalar yonib ketgan. RF Tergov qo‘mitasi «Qrim ko‘prigidagi hodisa yuzasidan» jinoiy ish ochdi, ammo hali yagona rasmiy versiya ilgari surilmagan, Ukraina esa hodisa uchun to‘g‘ridan to‘g‘ri javobgarlikni zimmasiga olmagan. Hozirga kelib ko‘prik bo‘ylab harakat qisman tiklangan.

Quyida so‘nggi kunlarda Ukrainaning turli hududlarida olingan suratlar.

Kunning asosiy voqeasi. Qrim ko‘prigidagi portlash