O‘zbekistonga 51 mln dollarlik elektromobillar olib kelindi

O‘zbekiston 2022 yilning yanvar-sentabr oylarida xorijdan qiymati 51,3 mln AQSh dollariga teng bo‘lgan 1 629 dona elektromobillar import qilgan.

Davlat statistika qo‘mitasi ma’lumotlariga ko‘ra, 2022 yilning sentabr oyida 130 ta elektromobil import qilingan.

O‘zbekistonga joriy yilning 9 oyida eng ko‘p elektromobillar import qilingan davlatlar orasida Xitoy yetakchilik qilyapti – 1 422 dona.

Ushbu ko‘rsatkich qolgan davlatlar kesimida quyidagicha ko‘rinish oldi:

• BAA – 111 dona;
• Germaniya – 41 dona;
• Hongkong – 31 dona;
• Litva – 10 dona;
• Koreya – 7 dona;
• boshqa davlatlar – 7 dona.