Xersonning huvillagan ko‘chalari, Donbassda janglar. Urush suratlari

Ukrainadagi urushning 251-kunidagi asosiy ma’lumotlar:

1 noyabrga o‘tar kechasi rossiyalik harbiylar kamikadze dronlar bilan Poltava, Dnepr va Mikolayivga hujum qilgan, ukrain rasmiylariga ko‘ra Mikolayiv S-300 raketalari bilan ham o‘qqa tutilgan. Mikolayivda kuchli vayrongarchiliklar yuzaga kelgan, bir ayol halok bo‘lgan.
Vladimir Putin safarbarlik yakunlangani haqida alohida farmon imzolamaydi. Uning matbuot kotibi Dmitriy Peskov yana bir bor qisman safarbarlik yakunlanganini ma’lum qildi.
RF mudofaa vaziri Sergey Shoygu 300 ming kishi safarbar qilingani, shundan 87 ming kishi allaqachon harbiy harakatlar maydoniga yuborilganini ma’lum qildi. «Novaya gazeta Yevropa» hisoblariga ko‘ra 21 sentabrdan buyon frontda va frontortida safarbar qilinganlarning 100 dan ortig‘i halok bo‘lgan — bu faqat rasman tasdiqlangan ma’lumotlar asosidagi hisob.
Rossiyada muddatli harbiy xizmat uchun kuzgi chaqiruv boshlandi, u 120 ming kishini qamrab oladi.
Deputat va senatorlar Davlat dumasiga safarbarlikka chaqiruvdan bo‘yin tovlaganlik uchun jinoiy javobgarlik joriy etish to‘g‘risidagi qonun loyihasini ishlab chiqishdi. Hukmron partiya safarbarlikdan qochganlarni 5 yilga qamashni taklif qilmoqda.
Britaniya razvedkasiga ko‘ra, Rossiya Belarusga MiG-31K qiruvchilari va «Kinjal» gipertovushli raketa majmualarini joylashtirgan bo‘lishi mumkin.

Quyida 1 noyabr kuni Ukrainaning turli hududlarida olingan suratlar.

Istilo ostidagi Xersonga ukrainlar kelishi kutilmoqda