Germaniya kompaniyasi O‘zbekistonda o‘zining birinchi mehmonxonasini ochadi

Unda ma’lum qilinishicha, mazkur delegatsiya amaliy safari Turizm va madaniy meros vazirligi, O‘zbekistonning Germaniyadagi elchixonasi va Silk Road Samarkand xalqaro sayyohlik markazi tomonidan tashkil etilgan.

Ma’lum qilinganidek, Turizm va madaniy meros vazirligida o‘tkazilgan uchrashuvda O‘zbekiston turistik salohiyatini Yevropada keng targ‘ib qilish va yevropalik sayyohlar oqimini ko‘paytirish maqsadida Destination Forum loyihasini amalga oshirish masalasi muhokama qilindi. 

O‘zbekiston turizm salohiyatini katta tajribaga ega bo‘lgan DTV assotsiatsiyasi marketing resurslaridan foydalangan holda keng targ‘ib qilish, O‘zbekiston dunyodagi eng xavfsiz davlatlardan biri ekanini dunyoga ko‘rsatish, Germaniyadan Samarqand shahriga to‘g‘ridan to‘g‘ri charter havo qatnovlarini yo‘lga qo‘yish, birgalikda “O‘zbekiston” sayyohlik brendini Yevropaga olib chiqish, DTV tarkibiga kiruvchi eng yirik va eng salohiyatli turistik tashkilotlar hamda  operatorlar safarlarini tashkil etish kabi masalalar yuzasidan muzokaralar olib borildi.

Nashr mehmonxona biznesida amalga oshirilayotgan islohotlar natijalariga e’tibor qaratar ekan, “koronavirus pandemiyasiga qaramasdan, O‘zbekistonda mehmonxona o‘rinlari soni so‘nggi yillarda qariyb uch baravarga ko‘paydi”, deb yozadi.

FVW xabariga ko‘ra, 2023 yil bahorida Germaniyaning Deutsche Hospitality kompaniyasi O‘zbekistonda o‘zining birinchi Intercity Hotel Tashkent mehmonxona brendini ochishni rejalashtirmoqda.