Azal aviakompaniyasi Bokudan Farg‘onaga parvozlarni yo‘lga qo‘ydi

Boku - Farg‘ona - Boku yo‘nalishini ochgan Airbus A320 borti an’anaviy tarzda suv arkasi bilan, ekipaj va yo‘lovchilar esa karnay va surnay sadolari ostida tantanali ravishda kutib olindi.

Muntazam reyslar haftada bir marta — payshanba kunlari amalga oshirilishi rejalashtirilgan.

Farg‘ona Ozarboyjon aviatashuvchisi parvoz qila boshlagan O‘zbekistondagi uchinchi shaharga aylandi. Bokudan Toshkentga reyslar haftasiga ikki marta - payshanba va yakshanba kunlari muntazam ravishda amalga oshiriladi. Bokudan Samarqandga - seshanba va payshanba kunlari.

1992 yilda tashkil etilgan «Ozarboyjon havo yo‘llari» (Azal) yirik aviatashuvchi bo‘lib, Boeing va Airbus samolyotlari zamonaviy parkiga ega bo‘lgan, MDH mamlakatlari aviatsiya hamjamiyatida yetakchilardan biri hisoblanadi.