Qoʻshimcha funksionallar
-
Tungi ko‘rinish
Saudiya Arabistoni balandligi 2 kilometrlik osmono‘par bino qurmoqchi
Uning qiymati 5 milliard dollarga baholanmoqda.
Saudiya Arabistoni suveren jamg‘armasi (PIF) poytaxt Ar-Riyoz yaqinida balandligi 2 kilometr bo‘lgan osmono‘par binoni qurishni rejalashtirmoqda. U Dubaydagi (BAA) 828 metrlik Burj Xalifa binosidan ikki barobar baland bo‘ladi.
Ayni paytda Saudiya Arabistonidagi eng baland bino Makkadagi Abraj al-Bayt ko‘pqavatli binolar majmuasiga kiruvchi soat minorasi bo‘lib, uning balandligi 601 metrni tashkil qiladi.
Bo‘lg‘usi osmono‘par binoning umumiy maydoni 18 ming kvadrat metrni tashkil qiladi. Loyihaning taxminiy qiymati 5 milliard dollarga teng.
Mamlakat rasmiylari allaqachon tender e’lon qilgan. Unda ishtirok etishning narxi 1 million dollar bo‘lib, Skidmore, Owings & Merrill, Adrian Smith & Gordon Gill Architecture, Kohn Pedersen Fox va Gensler (AQSh), Killa Design (BAA), shuningdek, Egis (Fransiya) tarkibiga kiruvchi 10Design kompaniyalari ariza topshirgan.
Mavzuga oid
18:20 / 04.07.2026
Toshkentning har bir tumanida 15-20 tadan jamoat hojatxonalari quriladi
10:18 / 29.06.2026
Saudiyada vertolyot quladi: 14 kishi halok bo‘ldi
17:59 / 24.06.2026
638 mln so‘m - O‘zbekistondan o‘tuvchi hashamatli poyezdga chipta savdosi ochildi
19:38 / 22.06.2026