Унинг қиймати 5 миллиард долларга баҳоланмоқда.
Саудия Арабистони суверен жамғармаси (PIF) пойтахт Ар-Риёз яқинида баландлиги 2 километр бўлган осмонўпар бинони қуришни режалаштирмоқда. У Дубайдаги (БАА) 828 метрлик Бурж Халифа биносидан икки баробар баланд бўлади.
Айни пайтда Саудия Арабистонидаги энг баланд бино Маккадаги Абраж ал-Байт кўпқаватли бинолар мажмуасига кирувчи соат минораси бўлиб, унинг баландлиги 601 метрни ташкил қилади.
Бўлғуси осмонўпар бинонинг умумий майдони 18 минг квадрат метрни ташкил қилади. Лойиҳанинг тахминий қиймати 5 миллиард долларга тенг.
Мамлакат расмийлари аллақачон тендер эълон қилган. Унда иштирок этишнинг нархи 1 миллион доллар бўлиб, Skidmore, Owings & Merrill, Adrian Smith & Gordon Gill Architecture, Kohn Pedersen Fox ва Gensler (АҚШ), Killa Design (БАА), шунингдек, Egis (Франция) таркибига кирувчи 10Design компаниялари ариза топширган.
