Putin Medvedevni yangi lavozimga tayinladi 

Shuningdek, Medvedev Rossiya Xavfsizlik Kengashida ham xuddi shunday lavozimni egallaydi. Rossiya prezidentining tegishli farmoniga ko‘ra, endi uning vakolatlariga Putin o‘rniga yig‘ilishlar o‘tkazish va komissiya tarkibida ishchi guruhlar tuzish kiradi. 

Shuningdek, ushbu farmon bilan Putin 2020 yilgacha Federal monopoliyaga qarshi xizmatni boshqargan Mixail Mishustinning yordamchisi Igor Artemiyevni komissiya tarkibidan chiqardi. Komissiya va uning kollegiyasi tarkibiga Medvedevdan tashqari Favqulodda vaziyatlar vazirligi rahbari Aleksandr Kurenkov ham kirdi. 

Harbiy-sanoat komissiyasi, boshqa narsalar qatorida, federal idoralarga qurol ishlab chiqish va ishlab chiqarish bilan bog‘liq ko‘rsatmalar beradi. Bundan tashqari, komissiya mansabdor shaxslarning qurol ishlab chiqarish bilan bog‘liq vazifalarini lozim darajada bajarmaganligi uchun shaxsiy javobgarligi to‘g‘risida qaror qabul qiladi. 

Ilgari Dmitriy Medvedev harbiy-sanoat kompleksi bilan bog‘liq lavozimlarda ishlamagan.

Rossiyaning Ukrainaga bosqini boshlangan 24 fevraldan keyin Medvedev faoliyati asosan Ukrainadagi urushni sharhlashga qaratilgan edi.