Keyingi yil O‘zbekistonda Qatar elchixonasi ochiladi

Tashqi ishlar vaziri Vladimir Norov Qatarning O‘zbekistondagi favqulodda va muxtor elchisi etib tayinlangan Hasan Hamza Hoshimni qabul qildi.

Foto: KUN.UZ

Vazir ishonch yorliqlari nusxalarini qabul qilib olar ekan, elchini lavozimga kirishgani bilan tabrikladi. Muloqot avvalida O‘zbekiston tashqi ishlar vaziri Qatar tomonini futbol bo‘yicha jahon chempionati muvaffaqiyatli o‘tkazgani bilan qutlagan.

O‘zbekiston – Qatar munosabatlarining siyosiy, savdo-iqtisodiy va madaniy-gumanitar sohalardagi bugungi holati va uni rivojlantirish istiqbollari muhokama qilindi. O‘zbekiston va Qatar ko‘p qirrali ikki tomonlama hamkorlikni yanada rivojlantirish uchun salmoqli salohiyatga ega ekani ta’kidlandi.