Rossiya O‘zbekistonda yangi xorijiy korxonalar soni bo‘yicha yetakchilik qilyapti

2022 yil 1 dekabr holatiga respublikada xorijiy kapital ishtirokida yangi tashkil etilgan korxonalar soni ma’lum qilindi.

Davlat statistika qo‘mitasi ma’lumotlariga ko‘ra, xorijiy kapital ishtirokida yangi tashkil etilgan korxonalar soni bo‘yicha Rossiya birinchi o‘rinni egallab turibdi – 842 ta.

Undan keyingi o‘rinlardan mos ravishda 331 ta hamda 245 ta yangi tashkil etilgan korxonalar soni bilan Turkiya va Xitoy joy oldi.

Ushbu ko‘rsatkich qolgan davlatlar kesimida quyidagicha ko‘rinishga ega:

• Qozog‘iston – 174 ta;
• Koreya – 79 ta;
• Tojikiston – 62 ta;
• Qirg‘iziston – 56 ta;
• AQSh – 40 ta;
• Germaniya – 37 ta;
• Ozarboyjon – 34 ta;
• Turkmaniston – 24 ta;
• boshqalar – 653 ta.