O‘zbekiston sanoati: qaysi yo‘nalishlarda korxonalar ko‘proq?

Milliy statistika qo‘mitasi ma’lumotlariga ko‘ra, 2026 yilning 1 fevral holatiga respublikada 60,6 mingta sanoat korxonasi faoliyat yuritmoqda. Ular turli iqtisodiy faoliyat yo‘nalishlari bo‘yicha ishlab chiqarish bilan shug‘ullanmoqda.

Ma’lum qilinishicha, sanoat korxonalarining asosiy qismi oziq-ovqat mahsulotlari ishlab chiqarish sohasiga to‘g‘ri keladi. Bu yo‘nalishda 12,1 mingta korxona faoliyat ko‘rsatmoqda.

Shuningdek, boshqa nometall mineral mahsulotlar ishlab chiqarish sohasida 8,4 mingta, kiyim ishlab chiqarish sohasida 6,1 mingta korxona mavjud.

Bundan tashqari, tayyor metall buyumlar ishlab chiqarish bilan 4,9 mingta, mebel ishlab chiqarish bilan 4,2 mingta korxona shug‘ullanmoqda.

To‘qimachilik mahsulotlari ishlab chiqarish sohasida 3,7 mingta, rezina va plastmassa buyumlar ishlab chiqarish sohasida esa 2,9 mingta sanoat korxonasi faoliyat yuritmoqda.