Zelenskiy Sholsga Marder va Patriot uchun minnatdorchilik bildirdi

Germaniya kansleri Olaf Shols Ukraina prezidenti Volodimir Zelenskiy bilan telefon orqali suhbatda Ukrainadagi siyosiy, harbiy va gumanitar vaziyat yuzasidan fikr almashdi. Bu haqda Shols ofisida xabar berildi.

Foto: AFP

Germaniya vazirlar mahkamasi rahbari «Rossiyaning boshlangan tajovuziga qarshi» Ukraina bilan o‘zgarmas birdamligini yana bir bor tasdiqladi.

Sholsning so‘zlariga ko‘ra, Germaniya hukumati 2022 yilda Ukrainaga 12 milliard yevrodan ortiq yordam ko‘rsatdi va bu kursni 2023 yilda davom ettiradi.

Zelenskiy, o‘z navbatida, Berlinga kuchli mudofaa paketi, xususan, o‘nlab Marder piyoda jangovar mashinalari va Patriot batareyasi uchun minnatdorchilik bildirdi.

«Biz Ukraina armiyasini mustahkamlash bo‘yicha keyingi hamkorlikni muhokama qildik», — deb yozdi Ukraina rahbari Telegram'da.

Germaniya kansleri va Ukraina prezidenti konstruktiv fikr almashishni davom ettirishga kelishib oldilar, shu jumladan Ukrainadagi vaziyatni tinch yo‘l bilan hal qilish bo‘yicha takliflarini hisobga olgan holda, deyiladi xabarda.

#Volodimir Zelenskiy #Olaf Shols