O‘zbekiston Pokistondan 36 ming tonna mandarin sotib oldi

2022 yilning yanvar-noyabr oylarida O‘zbekiston 12 ta xorijiy davlatdan qiymati 11,4 mln AQSh dollariga teng bo‘lgan 45,6 ming tonna mandarin import qilgan.

Davlat statistika qo‘mitasi ma’lumotlariga ko‘ra, mandarin importi o‘tgan yilning mos davri bilan solishtirilganda 16,4 ming tonnaga oshgan.

O‘zbekiston 11 oyda mandarin mahsulotini eng ko‘p import qilgan davlatlar orasida Pokiston birinchi o‘rinni egalladi – 36,7 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Turkiya – 3,6 ming tonna; 
• Xitoy – 3,2 ming tonna;
• Eron – 503 tonna;
• Misr – 442,2 tonna.