O‘zbekiston va Ozarboyjon avtomobilsozlik sohasida qo‘shma loyihani amalga oshiradi

Uchrashuvda oliy darajadagi muntazam va samarali muloqot tufayli O‘zbekiston-Ozarboyjon strategik sheriklik va ko‘p qirrali hamkorlik munosabatlari barcha yo‘nalishlarda jadal rivojlanib borayotgani qayd etildi.

Rejalashtirilgan tadbirlar jadvali, O‘zbekiston va Ozarboyjon o‘rtasidagi hamkorlik bo‘yicha hukumatlararo komissiya yig‘ilishi hamda ikki mamlakat tashqi ishlar vazirliklari o‘rtasidagi siyosiy maslahatlashuvlar navbatdagi davrasiga doir masalalar ko‘rib chiqildi.

Savdo-iqtisodiy va sarmoyaviy hamkorlikni kengaytirish bo‘yicha qo‘shma chora-tadbirlarni amalga oshirish, avtomobilsozlik, neft-kimyo, energetika va qishloq xo‘jaligi sohalarida qo‘shma loyihalarni amalga oshirish muhimligi ta’kidlandi.