O‘zbekiston va Malayziya turizm sohasida kadrlar tayyorlashni yo‘lga qo‘yadi

UCSI ikki tomonlama diplom berish, doktorantura dasturlari va professor-o‘qituvchilar malakasini oshirish, talabalar almashinuvi, qo‘shma ilmiy tadqiqot ishlari hamda akademik standartlarni boshqarish bo‘yicha hamkorlikni rivojlantirishga qiziqish bildirdi.

Tomonlar malayziyalik mutaxassislarni ma’ruzalar, seminarlar va vebinarlar tashkil etish uchun Samarqandga "mehmon professor" sifatida jalb etish, Kuala-Lumpur va Saravak shtatidagi kampuslarda o‘zbekistonlik talabalar uchun "yozgi maktablar" o‘tkazishga kelishib oldi.

1986 yilda tashkil etilgan UCSI universiteti Malayziyadagi yetakchi va eng yirik xususiy oliy bilim yurtlaridan biri bo‘lib, QS Rankings 2023 ma’lumotlariga ko‘ra, dunyodagi eng yaxshi 300 ta universitet qatoriga kiradi.