Rossiya kamikadze dronlar bilan yana Ukrainaga hujum qildi

Dnipropetrovsk va Odessa viloyatlaridagi guvohlar havoda portlashlarni qayd etishdi, ehtimol bu havo hujumidan mudofaa tizimi ishlashi bilan bog‘liq bo‘lishi mumkin.

Dnipropetrovsk viloyatining Krivorojsk tumanida dronlardan biri muhim infratuzilma obektiga urilgan, deb xabar qilmoqda "Yug" operativ qo‘mondonligi. 

Odessa viloyati harbiy ma’muriyati mintaqada infratuzilma obektlariga qaratilgan kamida to‘rtta "Shahed" kamikadze dronlari urib tushirilgani haqida xabar berdi.

10 fevral kuni Rossiya yana Ukrainaga dronlar bilan hujum qilgandi.

Ukrainaning bir qator viloyatlarida Rossiya qo‘shinlari tomonidan uchuvchisiz uchoqlar uchirilishi munosabati bilan havo ogohlantirish rejimi ishga tushirildi. 

Dnipropetrovsk viloyati aholisi mahalliy viloyat harbiy ma’muriyati tomonidan hujum haqida ogohlantirildi, Mikolayiv viloyatida kamida bitta uchuvchisiz uchish apparati urib tushirildi, deb xabar berdi viloyat politsiya boshqarmasi boshlig‘i Sergey Shayxet.