Nomi va joylashuvi ajoyib qishloq - Omonqo‘ton | Manzil
“Manzil” jamoasi O‘zbekistonning g‘aroyib go‘shalarini ko‘rsatishda davom etadi. Namangandan boshlangan sayohatimiz Samarqandning Urgut tog‘lari orasida joylashgan Omonqo‘ton qishlog‘i, Qashqadaryoning Langari, Surxonning Boysunidan o‘tadi. Bu ko‘rsatuvda birinchi manzil – Omonqo‘ton qishlog‘ini tanishtiramiz.
Omon qolgan chorva qo‘rasi nomini beruvchi Omonqo‘ton qishlog‘i Samarqandni Qashqadaryo bilan bog‘lovchi Taxtaqoracha dovoni boshlanishida joylashgan.
Qishloq ahli chorvachilik va dehqonchilik, shu bilan birga, bog‘dorchilik bilan shug‘ullanadi. Tog‘ yonbag‘rida joylashgani uchun yoz oylari markazdan va havosi issiq tumanlardan qishloqqa keluvchilar ko‘payadi.
Samarqand hududida topilgan eng qadimiy yodgorliklardan biri Omonqo‘ton g‘or makoni hisoblanadi. Bu yerga keluvchi sayyohlar g‘orga 50-60 metrgacha kirishadi.
1948 yilda Omonqo‘ton g‘orida olib borilgan qazish ishlari natijasida Teshiktoshdagiga o‘xshash fauna aniqlangan.
Atrofda daraxtlar shu darajada ko‘pki, yoz oylari kelgan odam o‘zini o‘rmon ichidan o‘tgandek his qiladi. Aslida bu joy haqida ko‘p eshitgandan, bir marta borib ko‘rgan yaxshi.
Tohirjon Tursunov,
Kun.uz'ning “Manzil” loyihasi uchun maxsus
Mavzuga oid
10:06 / 19.09.2024
“Omonqo‘ton” milliy tabiat bog‘idagi noqonuniy yo‘l: prokuratura jinoyat ishi qo‘zg‘atdi
20:50 / 17.09.2024
Rossiyalik bloger O‘zbekiston poyezdidagi sayohatni «haqiqiy sinov» deb ta’rifladi
19:00 / 13.09.2024
Urgutda tabiatga 1 mlrd so‘mdan ortiq zarar yetkazilgani ma’lum bo‘ldi
17:32 / 30.08.2024