Toshkentda ommaviy janjal uyushtirgan 28 kishi qamaldi

20 fevral kuni Toshkent shahrida 38 nafar shaxs o‘rtasida janjal yuz berdi. Ma’lum bo‘lishicha, ikki nafar insonning o‘zaro tortishuvi ommaviy janjalga aylanib ketgan. Huquqbuzarlar Farg‘ona va Jizzax viloyatlaridan kelib, qurilish obektida ishlayotgan shaxslar bo‘lgan.

21 fevral kuni ularning 28 nafariga nisbatan jinoyat ishlari bo‘yicha Yakkasaroy tuman sudida ma’muriy ish ko‘rib chiqildi. Janjal ishtirokchilarining qolganlariga nisbatan bezorilik holati bo‘yicha surishtiruv ishlari olib borilmoqda.

Ma’lum qilinishicha, 28 nafar huquqbuzar Yakkasaroy tumani “Dilbuloq” mahallasi Shota Rustaveli ko‘chasida joylashgan yangi qurilayotgan bino oldida ichki ishlar organi xodimlarining qonuniy talablarini bajarmasdan, tartibsizlik keltirib chiqarishga harakat qilgan.

Sudda huquqbuzarlar o‘z ayblariga iqror bo‘lib, qilmishlaridan pushaymonligini bildirishgan.