Isroilda namoyishlar politsiya bilan to‘qnashuvlarga aylanib ketdi
Isroilda sud-huquq islohotiga qarshi namoyishchilar Tel-Avivdagi bir qancha ko‘chalarni to‘sib qo‘yishdi, politsiya suv purkagichlar va shovqin granatalaridan foydalangan. 40 ga yaqin kishi hibsga olingan.
![](https://storage.kun.uz/source/9/iw5EZo-iYAKYeFqPY0H3nfmsZW1Wz9_-.jpg)
Foto: Shutterstock
Isroilda sud-huquq islohotlariga qarshi namoyishlar 1 mart, chorshanba kuni politsiya bilan to‘qnashuvlarga aylanib ketdi. Namoyishchilar Tel-Avivdagi bir qancha ko‘chalarni to‘sib qo‘yishdi, politsiya suv purkagichlar va shovqin granatalaridan foydalangan. Huquq-tartibot idoralari ma’lumotlariga ko‘ra, 39 kishi qo‘lga olingan. AFP axborot agentligining xabar berishicha, kamida 11 nafar yaralangan namoyishchi shifoxonalarga yetkazilgan.
Associated Press huquq-tartibot idoralari xodimlari Isroil bosh vaziri Binyamin Netanyaxuning rafiqasi Sarani qutqarishga majbur bo‘lganini yozadi. Namoyishchilar u bo‘lgan sartaroshxonani o‘rab olishdi. «Mamlakat yonmoqda, Sara esa sochini oldiryapti», deb hayqirdi namoyishchilar. Natijada uni politsiya mashinasida salondan olib chiqishdi, olomon esa: «Uyat!» deb baqirgan.
Netanyaxuning o‘zi politsiya harakatlarini qo‘llab-quvvatlab, televideniye orqali namoyishchilar «qizil chiziqni kesib o‘tganini» aytdi. «Namoyish qilish huquqi mamlakatni anarxiyaga botirish uchun litsenziya emas», dedi u. «Biz qonunni buzishga va zo‘ravonlik qilishga yo‘l qo‘ymaymiz - Xovarda ham, Tel-Avivda ham, boshqa joyda ham».
Sud-huquq islohoti Isroilning 2022 yil oxirida qasamyod qilgan yangi o‘ta o‘ng hukumatining asosiy loyihalaridan biridir. Mamlakatda minglab norozilik namoyishlari bir necha haftadan beri davom etmoqda - islohot yanvar boshida e’lon qilinganidan beri.
Mavzuga oid
![](https://storage.kun.uz/source/thumbnails/_medium/10/UrEd2YpEBXCvdZWfthhLKzyNbyniQNMG_medium.jpg)
14:20 / 07.09.2024
O‘zbekiston va Isroil ayrim sohalarda qo‘shma korxonalar tashkil etishni rejalashtiryapti
![](https://storage.kun.uz/source/thumbnails/_medium/10/3gN0XwKwKn2zXES3kd7avusSBlgFTTip_medium.jpg)
14:05 / 05.09.2024
Myunxenda Isroil konsulligi oldida otishma sodir bo‘ldi
![](https://storage.kun.uz/source/thumbnails/_medium/10/vegScKX7pUHUj9fU8xGr3BsQK_3M7E6N_medium.jpg)
22:20 / 04.09.2024
Urush boshidan beri eng yirik namoyishlar: Isroilda nimalar bo‘lmoqda?
![](https://storage.kun.uz/source/thumbnails/_medium/10/h5GtVQP6M027CQFTaR0fV3ZSTobfWEQp_medium.jpg)
10:47 / 03.09.2024