Rossiyada deportatsiya qilingan migrantlarning bir qismini qaytarish taklif etildi 

Rossiyada kichik huquqbuzarliklar uchun mamlakatdan chiqarib yuborilgan mehnat migrantlariga nisbatan amnistiya e’lon qilish taklif etildi. Bunday tashabbus bilan Davlat dumasining iqtisodiy siyosat qo‘mitasi raisi o‘rinbosari Artyom Kiryanov chiqdi. 

Uning so‘zlariga ko‘ra, bu chora Rossiya mehnat bozoriga bir necha o‘n mingdan 200 minggacha xorijlik ishchilarni jalb qilishga yordam beradi, bu esa Rossiya qurilish majmuasini eng ko‘p qiziqtiradi, deb yozdi «Rossiyskaya gazeta». 

Kichik huquqbuzarlik sodir etgan fuqarolarni amnistiya qilish taklif etilmoqda. Bu asosan hujjatlarni o‘z vaqtida rasmiylashtirmagan yoki mamlakatni tark etishi kechiktirilgan odamlardir. 

Deputatning qayd etishicha, hali deportatsiya qilinmagan xorijliklardan ham jazoni olib tashlash mumkin. 

Avvalroq, Rossiyadan deportatsiya qilingan xorijlik quruvchilar uchun amnistiya zarurligini NOSTROY prezidenti Anton Glushkov ham qayd etgan edi. Uning so‘zlariga ko‘ra, immigratsiya qonunchiligini buzgani uchun deportatsiya qilingan migrantlar soni juda ko‘p. 

Rosstat ma’lumotlariga ko‘ra, 2022 yil yakuni bo‘yicha O‘zbekistonning 6,9 ming nafar fuqarosi ishlash uchun ruxsatnoma olgan. 1 mln 215 ming nafarida esa patent bor.