O‘zbekistonda MDH davlatlari tashqi ishlar vazirlari majlisi o‘tkaziladi

O‘zbekiston tashqi ishlar vazirining o‘rinbosari Bahrom A’loyev Ozarboyjon elchisi Guseyn Guliyev, Belarus elchisi Leonid Marinich, Qozog‘iston elchisi Beybut Atamkulov, Qirg‘iziston elchisi Musa Jamanbayev, Rossiya elchisi Oleg Malginov, Tojikiston elchisi Abdujabbor Rahmonzoda va Turkmaniston elchisi Yazguli Mammedovni qabul qildi.

Uchrashuvda Mustaqil davlatlar hamdo‘stligi doirasidagi tomonlar hamkorligining turli jihatlari va qo‘shma dasturlar ijrosi jarayoni muhokama qilindi.

MDHga a’zo davlatlar Tashqi ishlar vazirlari kengashining O‘zbekistondagi bo‘lajak majlisiga tayyorgarlikning tashkiliy, protokol va mazmuniy jihatlari yuzasidan fikr almashildi.