O‘zbekistonga yengil avtomobillar asosan Xitoydan import qilinmoqda

O‘zbekiston asosan qaysi davlatlardan yengil avtomobil import qilgani to‘g‘risida ma’lumot berildi.

2023 yilning yanvar-mart oylarida O‘zbekiston xorijiy davlatlardan qiymati 283,7 mln AQSh dollariga teng bo‘lgan 10 489 ta yengil avtomobil import qilgan. 

Statistika agentligining dastlabki ma’lumotlariga ko‘ra, yengil avtomobillar importi o‘tgan yilning mos davri bilan solishtirilganda 1981 taga oshgan.

O‘zbekiston 3 oyda 19 ta davlatdan yengil avtomobillar import qilgan.

3 oyda O‘zbekiston yengil avtomobillarni eng ko‘p import qilgan davlatlar: 

• Xitoy – 6007 ta;
• Koreya – 3643 ta;
• AQSh – 460 ta;
• Hongkong – 187 ta;
• Yaponiya – 81 ta;
• Germaniya – 59 ta;
• Avstriya – 14 ta;
• BAA – 13 ta.