Ўзбекистонга енгил автомобиллар асосан Хитойдан импорт қилинмоқда

Ўзбекистон асосан қайси давлатлардан енгил автомобил импорт қилгани тўғрисида маълумот берилди.

2023 йилнинг январь-март ойларида Ўзбекистон хорижий давлатлардан қиймати 283,7 млн АҚШ долларига тенг бўлган 10 489 та енгил автомобил импорт қилган. 

Статистика агентлигининг дастлабки маълумотларига кўра, енгил автомобиллар импорти ўтган йилнинг мос даври билан солиштирилганда 1981 тага ошган.

Ўзбекистон 3 ойда 19 та давлатдан енгил автомобиллар импорт қилган.

3 ойда Ўзбекистон енгил автомобилларни энг кўп импорт қилган давлатлар: 

• Хитой – 6007 та;
• Корея – 3643 та;
• АҚШ – 460 та;
• Ҳонгконг – 187 та;
• Япония – 81 та;
• Германия – 59 та;
• Австрия – 14 та;
• БАА – 13 та.