Ukrainlar yurishidan ilk kadrlar va suvsizlangan suv ombori. Urush suratlari

Ukrainadagi urushning 473-kuni o‘tdi. Asosiy ma’lumotlar:

Ko‘ngillilar ma’lum qilishicha, Rossiya suv bosgan Golaya Pristan shahrini karantinga yopgan.
Rossiyalik harbiylar Xerson oblastida tinch aholi Dniproning RF kuchlari nazoratidagi so‘l sohilidan evakuatsiya bo‘layotgan qayiqlarni o‘qqa tutdi. Uch kishi halok bo‘lib, 20 dan ortiq kishi yaralangan.
Ukrain harbiylari Donetsk oblastining Blahodatne va Makarovka qishloqlari ozod etilgani haqida xabar berdi. Shuningdek, Ukraina qurolli kuchlari Zaporijjya oblastida Lobkove qishlog‘ini ham egallagani aytilmoqda.
Shoygu Ukrainadagi frontda bo‘lgan barcha ko‘ngilli otryadlar 1 iyulga qadar Mudofaa vazirligi bilan shartnomalar tuzishi kerak bo‘lgan buyruqni imzoladi. Prigojin «Vagner» XHK bunday qilmasligini ma’lum qildi.
Buyuk Britaniya mudofaa vazirligi Rossiya Baxmutni egallashda har 48 santimetr uchun bir askarni qurbon qilgani haqida xabar berdi.
BMT Kaxovka GES to‘g‘oni buzilishi oqibatida 700 mingga yaqin kishi ichimlik suv ta’minotidan mahrum bo‘lgani haqida ma’lum qildi.
Pskov oblastida mudofaa va xavfsizlikni ta’minlashga ko‘maklashuvchi otryadlar tuzilishi e’lon qilindi. Ular favqulodda vaziyatlar ro‘y berganida kuchishlatar tuzilmalarga yordam berishi ko‘zda tutilgan.